Хүндэт зочны албаны үндсэн чиг үүрэг, хэрэгжүүлэх үйл ажиллагаа:

Албаны үндсэн чиг үүрэг :

Компанийн дүрэмд заасан үйл ажиллагааны нэг чиглэл болох Төрийн “Хүндэт зочны танхимын үйлчилгээг хариуцан удирдан явуулна.

Хэрэгжүүлэх үйл ажиллагаа :

1.  “Чингис хаан” Олон улсын нисэх онгоцны буудал дахь “Хүндэт зочны танхим”-ын үйл ажиллагааг холбогдох дүрэм журам, зааврын дагуу явуулж, танхимын үйл ажиллагааг тасралтгүй, хэвийн удирдан зохион байгуулж ажиллана.
2. Тус танхимаар үйлчлүүлэх тусгай эрх бүхий төрийн өндөр албан тушаалтан, тэдгээрийн зэрэг зиндаатай адилтгах албан тушаалтан, гадаад улсын өндөр, дээд хэмжээний зочин төлөөлөгч, дипломат байгууллагын тэргүүн, албан тушаалтнуудад төрийн өндөр дээд албан тушаалтны албан айлчлалын явцад тавигдах шаардлага, дүрэм журмын дагуу үйлчилгээ үзүүлнэ.
3. Хүндэт зочны танхимын үйлчилгээ, үйл ажиллагааг сайжруулах асуудлыг байнга анхаарч, үйлчилгээний стандарт,  холбогдох дүрэм, журмыг чанд мөрдөж хэвшүүлнэ.
4. Танхимын үйлчилгээний ажилтнуудыг дадлагажуулах, мэргэшүүлэх, тасралтгүй сургалтыг зохион байгуулж, ажилтны харилцаа, хандлага, үйлчилгээний соёл стандарт, халдвар хамгаалал, эрүүл ахуйн мэдлэг олгоно.
5. Үйлчилгээний ажилтны ажлын хариуцлагыг дээшлүүлэх, ажлын байрны сахилга батыг мөрдүүлж, хэвшүүлэх асуудлыг хариуцаж ажиллана.
6. “Хүндэт зочны танхим”-аар үйлчлүүлэгчийн захиалгыг хүлээн авч бүртгэх, зохицуулах, төлбөр тооцоог барагдуулах ажлыг хариуцан хэрэгжүүлнэ.
7. “Хүндэт зочны танхим”-аар үйлчлүүлэгчийн бүртгэл мэдээлэл, төлбөр тооцооны баримт бүртгэлийг хариуцан гүйцэтгэж хувь хүний болон байгууллагын мэдээллийн нууцыг чанд хадгалж хамгаалах үүрэг хүлээнэ.