"НЬЮ УЛААНБААТАР ИНТЕРНЭЙШНЛ ЭЙРПОРТ" ХХК ROUTE ASIA- 2025 АРГА ХЭМЖЭЭНД 3 ДАХЬ ЖИЛДЭЭ ОРОЛЦОЖ БАЙНА
Агаарын тээврийн салбар нь далайд гарцгүй Монгол Улсыг бусад улс оронтой холбож, гадаад худалдаа өргөжүүлэх, аялал жуулчлалыг хөгжүүлж эдийн засгийг сайжруулахад гол үүрэг гүйцэтгэдэг.
Монгол Улсын агаарын үүд хаалга болсон "Чингис хаан" Олон улсын нисэх буудлаас олон улсруу нисэх нислэгийн шинэ чиглэл нэмэгдүүлэх зорилгоор “Нью Улаанбаатар Интернэйшнл Эйрпорт” ХХК нь Route Asia-2025 арга хэмжээнд 3 дахь жилдээ амжилттай оролцож байна.
Энэ удаагийн арга хэмжээ нь 2025 оны 3-р сарын 25-27-ны өдрүүдэд Австралийн Перт хотод зохион байгуулагдаж байгаа бөгөөд Азийн улс орнуудын 143 нисэх буудал, 110 агаарын тээвэрлэгч, 33 аялал жуулчлалын компаниуд оролцон, зах зээлийн эрэлт, нийлүүлэлтийн мэдээлэл солилцож хамтын ажиллагааг эхлүүлэх юм.