08 Apr 2020
ЗТХ-ИЙН САЙД Б.ЭНХ-АМГАЛАН ШИНЭ НИСЭХ БУУДАЛД АЖИЛЛАЛАА
Зам, тээврийн хөгжлийн сайд Б.Энх-Амгалан тэргүүтэй холбогдох албаны хүмүүс Чингис хаан олон улсын шинэ нисэх буудалд ажиллаж, тус нисэх буудлын үйл ажиллагааг төлөвлөгөөт хугацаанд нь эхлүүлэхтэй холбоотой ажлын явц, үүрэг даалгаврын биелэлтийг шалгаж, чиглэл өгөв.
Энэ үеэр Улаанбаатар хотын шинэ нисэх буудлын менежментийг хариуцах Нью интернэйшнл эйрпорт компанийн Монгол, Японы талын төлөөлөлтэй уулзалт хийсэн бөгөөд тулгарч буй бэрхшээлийг сонсож, төрийн байгууллагын зүгээс авч хэрэгжүүлэх шаардлагатай асуудлууд дээр өөрийн биеэр анхаарал тавьж ажиллахаа илэрхийллээ.
Эх сурвалж: https://mrtd.gov.mn/i/2327